'Nzomma songh'io lo fauzo?
Appila, sié' maesta:
Ca ll'arta toja è chesta
Lo dico 'mmeretá.
Io jastemmá vorría
lo juorno che t'amaje!
Io te voglio bbene assaie
e tu nun pienze a mme.
Io te voglio bbene assaie
e tu nun pienze a mme.
Pecché quanno me vide
te 'ngrife comm' 'a gatto?
Nenne' che t'aggio fatto
ca no mme puo' vedé?
Io t' 'aggio amato tanto,
si t'amo tu lo saie
Io te voglio...
Ricordate lu juorno
Ca stive a me vicino
E te scorreano ‘nzine
Li lacreme accussì
Diciste a me "Nun chiagnere
Ca tu dd’o mio sarraje"
Io te voglio...
La notte tutte dormono
ma io che vvuo' dormire
penzanno a nnenna mia
me sento ascevuli'
li quarte d'ora sonano
a uno, a ddoie, a ttre:
Io te voglio...
Guardame 'nfaccia e vvide
comme songo arredutto
sicco, paliento e brutto,
nennella mia pe' tte!
Cusuto affilo duppio
co' tte me vedarraie
Io te voglio...
Quanno so' fatto cennere
tanno me chiagnarraie
sempe addimannarraje:
"Nennillo mio addo' sta?"
la fossa mia tu arape
e llà me truvarraie:
Io te voglio...
