Genere:
Versi di G. Ottaviano, musica di S. Gambardella.
Oje ne’, fa prieste, viene,
nun me fa spantecà,
ca pure ’a rezza vene
c’’a mmare sto a menà.
Meh, stienne sti braccelle
aiutame a tirà,
ca stu marenariello
te vo semp’abbraccià.
Vicin’’o mare,
facimme ’ammore,
a core a core
pe ce spassà.
So marenare
e tiro ’a rezza;
ma p’allerezza
stong’a murì.
Vide che sbatte l’onne
comme stu core ccà...
De lacreme te nfonne
ca ’o faie annammurà.
Viene, nterr’’a st’arena
nci’ avimma recrià;
che scenne la Serena
i’ po’ stong’’a cantà.
Vicin’’o mare...
Oje ne’ i’ tir’’a rezza
e tu statt’’a guardà,
li pisce p’’a priezza
comme stann’’a zumpà.
E vide, pur’’e stelle
tu faie annammurà,
ca stu marenariello
tu faie suspirà.
Vicin’’o mare...
