Testo di Giovanni Capurro
Mo nun só' cchiù Cuncetta,
ma só' Lilí Kangy,
sciantosa prediletta,
avite voglia 'e dí!
Quanno mme ribbuttaje,
e chi v''o ppò cuntá?
'A gente mme menaje
mazzette 'nquantitá...
Chi mme piglia pe' Frangesa,
chi mme piglia pe' Spagnola,
ma só' nata ô Conte 'e Mola,
metto 'a coppa a chi vogl'i'...
Caro Bebé,
che guarde a fá?
io quanno veco a te
mme sento disturbá!
Tre sòre piccerelle,
vènono appriesso a me...
e fanno 'e stelletelle
pe' dint'a sti cafè...
Ma i' sóngo 'a vera stella
d'ogne cafè sciantá:
sulo cu na resélla,
ve faccio cunzulá!
Chi mme piglia pe' Frangesa...
A 'e vvote, 'ncopp''o foglio,
sento parlá 'e Lilí...
Io leggo, ma mme 'mbroglio:
che vuó' arrivá a capí?
Ma chesto nun mme 'mporta:
s'ha da sapé abballá...
Basta ca 'a veste è corta,
tutto se pò aggiustá!
Chi mme piglia pe' Frangesa...
Lilì Kangy è una canzone scritta nel 1905 dagli autori napoletani Giovanni Capurro e Salvatore Gambardella. Narra la storia di una giovane ragazza che decide di cambiar nome da Concetta a Lilì Kangy, dove "Kangy" è un modo francesizzato per dire Concetta.
Nel gioco di parole è anche la decisione di Concetta di fare la "sciantosa" (chanteuse in francese, ovvero cantante). Infatti tra la fine dell'Ottocento e l'inizio del Novecento Napoli visse la sua Belle Époque conoscendo un periodo veramente creativo e fertile per autori e musicisti.
