Testo di Enzo Bonagura e Dante Pinzauti
Mellune appíse, ‘nzèrte ‘e pummarole,
na pianta ‘e rose tènnera e gentile,
a ‘o viento na cammisa e doje lenzole.
Chist’è ‘o balcone tujo, tu chesta si’.
Cerasella, Cerasè’,
dint’ ‘o tiempo d’ ‘e llimone,
mme rialaste nu schiaffone.
Cerasella, Cerasè’,
mo ch’è ‘o tiempo d’ ‘e ccerase,
tu mme vase.
Si’ limone,
si’ cerasa,
sott’ ‘o sole ca te scarfa
te faje doce.
Si fa friddo,
si’ na mela
e ll’ammore, dint’ ‘o core,
te se gela.
Cerasella, Cerasè’,
vola e dice ‘sta canzone:
“Pe’ ll’asprezza ‘e ‘sta passione,
‘o core mio se fa limone”.
E tienatello ll’agro e damme ‘o ddoce,
ca nun te pòzzo dí quanto mme piace,
si no faccio ‘o cantante a meza voce
e campo juorne amare a suspirá.
Cerasella, Cerasè’,
dint’ ‘o tiempo d’ ‘e llimone,
mme rialaste nu schiaffone.
Cerasella, Cerasè’,
mo ch’è ‘o tiempo d’ ‘e ccerase,
tu mme vase.
Cerasella, Cerasè’,
vola e dice ‘sta canzone:
“Cu nu vaso o nu schiaffone
si’ cerasa e si’ limone”.
Sì cerasa,
si’ limone.
Cerasella, Cerasè’.
"Cerasella" è una canzone napoletana pubblicata nel 1959. Il brano è stato composto da Enzo Bonagura, Dante Pinzauti (testo) e dal direttore d'orchestra Eros Sciorilli (musica). La canzone ottenne un immediato successo commerciale, in Italia e in Europa.
