Testo di Ermete Alessandro Mario
Parteno 'e bastimente pe terre assaje luntane...
Càntano a buordo:
só Napulitane!
Cantano pe tramente
'o golfo già scumpare,
e 'a luna, 'a miez'ô mare,
nu poco 'e Napule
lle fa vedé
Santa Lucia!
Luntano 'a te,
quanta malincunia!
Se gira 'o munno sano,
se va a cercà furtuna...
ma, quanno sponta 'a luna,
luntano 'a Napule
nun se pô stá!
E sònano...Ma 'e mane
trèmmano 'n coppa 'e corde...
Quanta ricorde, ahimmé,
quanta ricorde...
E 'o core nun 'o sane
nemmeno cu 'e canzone:
Sentenno voce e suone,
se mette a chiagnere
ca vô turná
Santa Lucia, tu tiene
sulo nu poco 'e mare...
ma, chiù luntana staje,
chiù bella pare...
È 'o canto dê sirene
ca tesse ancora 'e rezze!
Core nun vô ricchezze:
si è nato a Napule,
ce vô murí!
Santa Lucia...
"Santa Lucia luntana" è una canzone napoletana scritta da E. A. Mario nel 1919. E' dedicata ai tantissimi emigranti partenopei che partivano dal porto di Napoli alla volta di terre lontane (quasi sempre alla volta delle Americhe). La canzone divenne subito un successo non solo popolare e fu molto importante a livello sociale perché portava alla luce la realtà dell'emigrazione, fenomeno fino ad allora misconosciuto dalla cultura ufficiale.
